ವಿಷಯಕ್ಕೆ ಹೋಗಿ

...................

ನನಗೆ ತಿಳಿಯೋಲ್ಲ
ಯಾಕೆ ಜನಗಳು ದೆವ್ವಗಳನ್ನ ಕಂಡರೆ ಹೆದರುತ್ತಾರೆ ಅಂತ,
ದೆವ್ವಗಳು ಅಂದರೆ ಅತೃಪ್ತ ಆತ್ಮಗಳಂತೆ

ನಾನು ಒಂದು ಅತೃಪ್ತ ಆತ್ಮಕ್ಕೆ
ಕಾವಲುಗಾರನಾಗಿ ನಿಯಮಿಸಲ್ಪಟ್ಟಿದ್ದೇನೆ
ಒಂಟಿ ಕಾವಲುಗಾರನಾದುದರಿಂದ
ಬೇಸರ ಕಾಡದಿರಲೆಂದು/ಭಯಪಡಬಾರದೆಂದು
ಈ ಅತೃಪ್ತ್ ಆತ್ಮವು ತೃಪ್ತವಾಗುವ ಬಗೆಯನ್ನ ತಿಳಿಯಲಿಕ್ಕೆ
ನನ್ನ ಜೀವನವನ್ನ ಮೀಸಲಿರಿಸಿದ್ದೇನೆ.

ಕಾಮೆಂಟ್‌ಗಳು

  1. ಅತೃಪ್ತ ಆತ್ಮ ನಿಜವಾಗಲು ತೃಪ್ತ ಆಗಲು ಸಾಧ್ಯವೇ?

    ಪ್ರತ್ಯುತ್ತರಅಳಿಸಿ
  2. ಗೊತ್ತಿಲ್ಲ,
    ಅದನ್ನ ಅರಿಯುವುದರಲ್ಲೇ ನಾನು ನಿರತನಾಗಿದ್ದೇನೆ.
    ದೇವರು-ತೃಪ್ತ ಆತ್ಮದ ಕಾವಲುಗಾರ- ಸದಾ ಹಸನ್ಮುಖಿ
    ನನ್ನ ಜೀವಂತಿಕೆಯೆ ಆತ್ಮದ ಅತೃಪ್ತಿ/ತೃಪ್ತಿಯ ಪ್ರಶ್ನೆ/ಉತ್ತರದಲ್ಲೇ....

    ಪ್ರತ್ಯುತ್ತರಅಳಿಸಿ
  3. ಆತ್ಮ ಅತೃಪ್ತಿ ಪಡಲು ಕಾರಣವಾದರು ಏನು?

    ಪ್ರತ್ಯುತ್ತರಅಳಿಸಿ
    ಪ್ರತ್ಯುತ್ತರಗಳು

    1. ಒಮ್ಮೆ ತೃಪ್ತಗೊಂಡು ಗಾಢ ನಿದ್ರೆಯಿಂದ ಎಚ್ಚರಾದಾಗ
      ತನ್ನ ಎಚ್ಚರಿಕೆಯ ಪ್ರಜ್ಞೆ ಮೂಡಲಿಲ್ಲವಂತೆ
      ನಿದ್ರಿಸಿದಾಗ ಕಂಡ ಕನಸು ನಿಜವೋ
      ಎಚ್ಚರಾದಾಗಿನ ಜಗವು ನಿಜವೋ
      ಎರೆಡರ ನಡುವಿನ ತಾನು ನಿಜವೋ
      ನಿಜವು ನಿಜವೋ
      ಹೀಗೆ ಅತೃಪ್ತಗೊಂಡಿದೆ

      ಭಾಷೆಯ ತಾಕತ್ತಿನ ಮೇಲೆ ಭಯಗೊಂಡಿದೆ
      ತರ್ಕ ಪೂರ್ಣದಲ್ಲಿ ಅಸ್ತಿರತೆ ಅಂತನ್ನುತ್ತೆ
      ಹೀಗಾಗಿ
      ಅಸ್ತಿತ್ವ ಅತೃಪ್ತಿಯಲ್ಲಿ ಎಂದು ತೃಪ್ತಗೊಂಡಿದೆ

      ಅಳಿಸಿ
  4. ಅತ್ರುಪ್ತತೆ ಇಂದ ತ್ರುಪ್ತತೆಯ ಕಡೆಗೆ ಹೋಗಬಹುದು ಎಂಬ ಭಾವವು ಅತ್ರುಪ್ತತೆ ಮೂಡಿಸುವಲ್ಲಿ ಮುಖ್ಯ ಪಾತ್ರವಹಿಸಿರುವಂತೆ ಕಾಣಿಸುತ್ತದೆ....!

    ಪ್ರತ್ಯುತ್ತರಅಳಿಸಿ
  5. ಅತೃಪ್ತಿ - ಗುಣ, ಅತೃಪ್ತ - ವ್ಯಕ್ತಿ. ಆತ್ಮ - ಸಾಕಾರನೋ ನಿರಾಕಾರನೋ ಅಂತೂ ಒಂದು ವ್ಯಕ್ತಿ. ಈ ಕಾವಲುಗಾರನಿಗೇನು ಡಬ್ಬಲ್ ಡ್ಯೂಟೀನಾ? ಆತ್ಮಕ್ಕೆ ದೇಹವೇ ಮಿತಿ, ಗುಣಕ್ಕೆ ಜೀವಾಜೀವಗಳ ಮಿತಿಯಿಲ್ಲ. ಮತ್ತವೆಲ್ಲಾ ಏನಿದ್ದರೂ ಇಲ್ಲದಿದ್ದರೂ ಕಾವಲುಗಾರ ಕೇವಲ ಕಾಲಕ್ಕೆ ಸಾಕ್ಷಿಯಾಗುತ್ತ ಯಥಾಸ್ಥಿತಿವಾದಿಯಾಗಿರಬೇಕು. ಒಳಗೆ ಕೊಲೆಗಾರನೂ ಇರಬಹುದು, ಮಹಾದೇವನೂ ಇರಬಹುದು - ಕಾಯುವುದಷ್ಟೇ ಕೆಲಸ ಎಂದ ಮೇಲೆ ಪದ್ಯದುದ್ದಕ್ಕೆ ಚಡಪಡಿಕೆ ಯಾಕೇ ಯಾಕೇ?

    ಪ್ರತ್ಯುತ್ತರಅಳಿಸಿ
    ಪ್ರತ್ಯುತ್ತರಗಳು
    1. ಆತ್ಮಕ್ಕೆ ದೇಹದ ಮಿತಿಯೇ ಕೆಲವೊಮ್ಮೆ ಅತೃಪ್ತಿಗೆ ಕಾರಣ ಆಗಿಬಿಡುತ್ತದೆ. ಆದರೆ ಅತೃಪ್ತಿ ನಿಜವಾಗಲು ಆತ್ಮದ ಸಹಜ ಅಲ್ಲದಿದ್ದರೂ ಇರಬಹುದು.

      ಅಳಿಸಿ
  6. "ನಚಿಕೆತನ wavefunctionನ್ನು bi-partite ಆದ producಟು ಸ್ತ್ತಿತಿಯಲ್ಲಿ ಒಂದು ಪಾರ್ಟು performer ಆಗಿ, ಇನ್ನೊಂದು ಪಾರ್ಟು performence ಅನ್ನು ನೋಡುವ ಸಾಕ್ಷಿಪ್ರಜ್ಞೆಯಾಗಿ ಬ್ಲಾಗಿಸುತ್ತಿದೆ... " ಎನ್ನುವ ನಚಿಕೇತನ ಅಂಬೋಣ/ಇಂಗಿತ ವು self-referenಸಿಯಲ್ ಆದ ಕಾರಣಕ್ಕೆ ಅಪೂರ್ಣ/inconsitenಟು; -ಅದನ್ನು consitenಟು-buಟ್-ಅಪೂರ್ಣ ಅಂತಂದುಕೊಂಡರೂ entanglemenಟನ್ನು negalecಟು ಮಾಡಿದ ಕಾರಣಕ್ಕೆ exacಟಾಗದೇ ಬರೀ approxiಮೇಟಾಗಬಹುದಷ್ಟೇ .
    --ಅಂತ ಗುರುವರ್ಯರು ಈ ಮೂಲಕ ತಮ್ಮ ಟಿಪ್ಪಣಿಯನ್ನು ಅಪ್ಪಣಿಸಿರುತ್ತಾರೆ!

    ಪ್ರತ್ಯುತ್ತರಅಳಿಸಿ

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

.....

ಅವಳಿಗೊಮ್ಮೆ ನನ್ನ ಹೆಣ್ಣಾಗಿ
ನೋಡಬೇಕೆಂದೆನಿಸಿ
ಸೀರೆಯುಡಿಸಿದಳು ನಾಜೂಕಾಗಿ
ಸೊಂಟ ಹೊಕ್ಕಳು ಕಾಣುವಂತೆ.

ಬಳೆ ತೊಡಿಸಿದಳು  ಅರ್ದ ಒಡೆದಿತ್ತು
ಮಾಂಗಲ್ಯ  ಬಂಗಾರದ ಸರದಲ್ಲಿ
ಬೀರುವಿನಲ್ಲಿದ್ದದ್ದನ್ನು
ಹಾಕಿದಳು
ಸರಿ ಹೊಂದಲಿಲ್ಲವೆಂದೂ ಹೇಳಿದಳು.

ಜೊತೆಯಾಗಿ ಕುಣಿಯುವ ಎಂದಳು
ಕುಣಿವಾಗ ಸೆರಗು ಜಾರಲಿಲ್ಲ
ಅವಳ ಕೈ  ದೇಹವನ್ನಪ್ಪಿತ್ತು
ಯಾಕೋ ಮತ್ತೆ ಗಂಡಾಗಬೇಕೆಂದಿನೆಸಿಲೇ ಇಲ್ಲ.

ಹಳೆಯ ಮೊಳೆ ಹಾಗೂ ಹೊಸ ಮದುವೆ : ಒಂದು ಉಪಮೆ

ಹಾಗಾಗಿ ಮೊಳೆಯೇ
ಇದು ನಿನ್ನದೇ ತಪ್ಪೆಂದು ತೀರ್ಪನ್ನಿರಿಸಿದ್ದಾರೆ

ಆಗಿದ್ದಿಷ್ಟು

ಹೆಣ್ಣನ್ನು ಮನೆ ತುಂಬಿಸಿಕೊಳ್ಳುವಾಗ
ಹೊಸಲ ಮೇಲೆ ಕಾಸನ್ನಿಟ್ಟು ಮೊಳೆ ಹೊಡಿಸುವುದು
ಸಂಪ್ರದಾಯ

ಹೆಣ್ಣು ಗಂಡು ಅದೆಷ್ಟೇ ಪ್ರಯತ್ನಿಸಿದರೂ
ಅಂದು ಮೊಳೆ ಹೊಡೆಯುವುದು ಕಷ್ಟವಿತ್ತು
ಸುತ್ತಿಗೆ ಸರಿಯಿರಲಿಲ್ಲ ಮೊಳೆ ಚೂಪಿರಲಿಲ್ಲ ಕಾಸು ಗಟ್ಟಿಯಿತ್ತು
ಹುಡುಗ ಹುಡುಗಿ ದಣಿದಿದ್ದರು
ಇತ್ಯಾದಿ ಇತ್ಯಾದಿ

ಬಲ ಬಿಟ್ಟು ಹೊಡೆದಾಗ
ಮೊಳೆ ಹೊಸಲಿಗೆ ತಾಗುತ್ತಲೆ
ಗಂಡಿನ ಬೆರಳಿಗೂ - ಹೆಣ್ಣಿನ ಬೆರಳಿಗೂ ತಾಗಿ
ಇಬ್ಬರ ರಕ್ತವನ್ನೂ ಬೆರೆಸಿ
ಹೊಸಲಿಗಿಳಿದಿತ್ತು

ಮಾರನೇ ದಿನದಿಂದ
ಹುಡುಗ  ಹುಡುಗಿ
ಎಲ್ಲರೂ
ರಕ್ತ ಬಳಿದ ಹೊಸಲನ್ನು ದಾಟುತ್ತಲೇ ಸಂ
ಸಾರ ಸಾಗಿಸುತ್ತಿದ್ದರು

ಮೊದಲಿಗೆ ಬೆರಳಿಗೆ ಗಾಯವಾದದ್ದು
ಹುಣ್ಣಾಗಿ
ಮೊದಲು ಬೆರಳು, ಆಮೇಲೆ ಕೈ, ನಂತರ ದೇಹ
ಹೀಗೆ ಪೂರ ಆವರಿಸಿ ಮುಗಿಸುವ ಹೊತ್ತಿಗೆ
ಇಬ್ಬರ ಆಯಸ್ಸೂ

ಈಗ ಹೇಳಿ
ಇದು ಮೊಳೆಯದೇ ತಪ್ಪಲ್ಲವೆ
ಹಾಗಾಗಿ
ಹೊಸಲನ್ನು ಬಿಟ್ಟು ನಾಣ್ಯವನ್ನು ಬಿಟ್ಟು
ಹೊಡೆದ ಸುತ್ತಿಗೆಯನ್ನೂ ಕೈಯನ್ನೂ ಬಿಟ್ಟು
ಮೊಳೆಯನ್ನೇ ಶಿಕ್ಷಿಸಬೇಕಾಗಿ ತೀರ್ಪಾಗಿದೆ.

ಭೌತಶಾಸ್ತ್ರದ ಪ್ರೀತಿಗಾಗಿ

ಇನ್ನೇನು ಆಗಲೇ ಕಾಲೇಜು, ಮುಖ್ಯವಾಗಿ ಪದವಿ ತರಗತಿಗಳು ಆರಂಭವಾಗಿರಬೇಕು ಅಥವಾ ಇಷ್ಟರಲ್ಲೇ ಆರಂಭವಾಗಬಹುದು. PUC ಎಂಬ ತ್ರಾಸಮಯ ಘಟ್ಟ ಮುಗಿಸಿ ಈಗ ಹೊಸದೊಂದು ಯಾನವನ್ನ ಆರಂಭಿಸಲು ಹೊರಡುವ ಸಮಯ. ಹಲವರು ಇಂಜಿನಿಯರಿಂಗ್ ಎಂದೋ ಮೆಡಿಕಲ್ ಎಂದೋ ಹೋಗಿರುತ್ತಾರೆ. ಕೆಲವರು ಮೂಲತಃ ಮೂಲ ವಿಜ್ಞಾನದಲ್ಲಿ ಆಸಕ್ತಿಯಿರುವವರು ಪದವಿಗೆ ಸೇರಿರುತ್ತಾರೆ. ಮತ್ತೆ ಕೆಲವರಿಗೆ ಮೂಲ ವಿಜ್ಞಾನದಲ್ಲಿ ಆಸಕ್ತಿಯಿದ್ದರೂ ಇಂಜಿನಿಯರಿಂಗ್ ಸೇರಿರುತ್ತಾರೆ. ಮೂಲ ವಿಜ್ಞಾನದಲ್ಲಿ ಆಸಕ್ತರಾಗಿ ಮುಂದೆ ಸಂಶೋಧಕರಾಗಬೇಕೆಂದು ಬಯಸುವವರಿಗೆ ನನ್ನ ಅನುಭವದಲ್ಲಿ ದಕ್ಕಿದ ಒಂದಿಷ್ಟು ಮಾಹಿತಿಗಳನ್ನ ಕೊಡಬೇಕೆಂದೆನಿಸಿ ಈ ಲೇಖನ ಬರೆಯುತ್ತಿದ್ದೀನಿ. ನನ್ನ ಕ್ಷೇತ್ರ ಸೈದ್ಧಾಂತಿಕ ಬೌತಶಾಸ್ತ್ರ., ಹಾಗಾಗಿ ಆ ಕ್ಷೇತ್ರದ ಬಗೆಗೆ ಮಾತ್ರ ದೀರ್ಘವಾಗಿ ಬರೆಯುತ್ತೀದ್ದೀನಿ. ನನ್ನ ಸ್ನೇಹಿತರ್ಯಾರಾದರೂ ಒಪ್ಪಿದರೆ ಉಳಿದ ಕ್ಷೇತ್ರಗಳ ಬಗೆಗೆ ಬರೆಸಲು ಪ್ರಯತ್ನಿಸುತ್ತೇನೆ.. ಅಷ್ಟೇ ಅಲ್ಲ ಮಾನವೀಯ ವಿಷಯಗಳ ಬಗೆಗೂ ಬರೆಸಬೇಕೆಂದಿದ್ದೇನೆ ಮುಂದಿನ ದಿನಗಳಲ್ಲಿ ಪ್ರಯತ್ನಿಸುತ್ತೇನೆ. ವಿಷಯಾಧಾರಿತ ಭಿನ್ನಾಭಿಪ್ರಾಯಗಳನ್ನು ಹೊರತುಪಡಿಸಿ ಉಳಿದ ಹಲವು ವಿಷಯಗಳನ್ನು ಸಮಾನವಾಗಿ ಸ್ವೀಕರಿಸಬಹುದು. ಇಲ್ಲಿನ ವಸ್ತುನಿಷ್ಠ ವಿಷಯಗಳನ್ನು ಹೊರತುಪಡಿಸಿ ಉಳಿದದ್ದು ನನ್ನ ಅನುಭವಕ್ಕೆ ಬಂದವುಗಳು, ಹಲವನ್ನು ನಾವುಗಳು ಅನುಸರಿಸಿದವುಗಳು. ಇವೇ "ಇದ ಮಿತ್ತಂ" ಎಂಬಂತಹ ಶಾಸನಗಳೇನೂ‌ ಅಲ್ಲ. ಎಲ್ಲರಿಗೂ…