ವಿಷಯಕ್ಕೆ ಹೋಗಿ

ಭಾರತ ೨೦೧೧

[ಈ ಕವನ ಶ್ರೀ ಕೆ ವಿ ತಿರುಮಲೇಶ್ ರವರ ಅರೇಬಿಯ ೨೦೧೧(http://www.kendasampige.com/article.php?id=4200) ಕವನಕ್ಕೆ ಪ್ರತಿಕ್ರಿಯೆಯಾಗಿ ಬರೆದದ್ದು. ಅವರು ಅಲ್ಲಿನ ಪರಿಸ್ತಿತಿಯಬಗ್ಗೆ ಬರೆದರೆ ನಾನು ಅದಕ್ಕೆ ಪ್ರತಿ ಕ್ರಿಯೆಯಾಗಿ ಭಾರತದ ಬಗ್ಗೆ ಬರೆದಿದ್ದೇನೆ]



ಸಹಸ್ರ ಸೂರ್ಯರ ಘೋಷ ಮೊಳಗಿದ್ದೇ ಮೊಳಗಿದ್ದು
ಪೂರ್ವದಲ್ಲಿ ಹುಟ್ಟುವ ಸೂರ್ಯ ಪಶ್ಚಿಮದಲ್ಲಿ ಮುಳುಗುತ್ತಾನೆ
ಪ್ರತಿಸೂರ್ಯರ ಮಾತು ಇಲ್ಲ
"ಹೂವನ್ನ ನೋಡುವ ಪುರುಸೊತ್ತು ಇಲ್ಲ"
ಕಿತ್ತು ಮಾರಬಹುದು ಅಥವ ದೇವರಿಗೆ ಹಾಕಬಹುದು
ಕತ್ತಲ ರಾತ್ರಿಯಲ್ಲಿ ಗಾಳಿ ತಂಪಾಗಿ ಬೀಸುತ್ತದೆಂದು
ಹೊರಗೆ ನಡೆದದ್ದು
ಇದ್ದಕ್ಕಿದ್ದಂತೆ ಹೊಳೆದುಬಿಟ್ಟಿತು
"ಹೂ ಅರಳುವ ಕ್ರಿಯೆಯನ್ನ ನೋಡುವ ಬಗೆ"
(ದಯವಿಟ್ಟು ಕಾರಣ ಕೇಳಬೇಡಿ ಯಾಕೆ ಹೊಳೆದದ್ದು ಎಂದು)
ಕತ್ತಲಲ್ಲವೆ
ಮೊಬೈಲ್ ಫೋನ್ ನಲ್ಲಿನ ಬೆಳಕನ್ನ ಉಪಯೋಗಿಸಿಕೊಂಡು ಕೂತು
"ಹೂ ಅರಳುವ ಕ್ರಿಯೆಯನ್ನ ನೋಡುವುದಕ್ಕೆ"

ಕಿಟಕಿಗಳಿಲ್ಲ ಗರ್ಭಗುಡಿಗೆ
ಬಯಲಿಗೆ ಭಗವಂತ ಬಾರದೆ
ಮನುಷ್ಯ ಮಹಾಮೌನ ಮುರಿಯುವುದಿಲ್ಲ
ಹೊರಡುವುದೇ ಇಲ್ಲ ಇನ್ನು ಮರಳುವ ಮಾತೆಂತು

ಅರಚುತ್ತೇನೆ ಕಿರುಚುತ್ತೇನೆ ಕೆಲವೊಮ್ಮೆ
ಮುಷ್ಟಿ ಮೈಥುನದಂತಾದಾಗ ಬೇಸರಿಸಿಕೊಳ್ಳುತ್ತೇನೆ
ಗಿರಿಕಂದರ ಹಳ್ಳ ಕೊಳ್ಳ
ಕ್ಕೆ
ಪರಿತಾಪಿಸುತ್ತೇನೆ, ಧ್ವನಿಗೆ ಪ್ರತಿಧ್ವನಿಯನ್ನ.
ವ್ಯಾಕರಣಬದ್ದ ಪದಗಳ ರಾಶಿಯಿಂದ ಪುಸ್ತಕವಾದಾಗ
"ನಾನು ಸ್ವಾತಂತ್ರ್ಯ ಜೀವಿ"
ಮನೆ ಬಾಗಿಲು ಯಾರೋ ತಟ್ಟುತ್ತಿದ್ದಾರೆ
ಆದರೂ ನಂಬಿಕೆಯಿದೆ, ಮತ್ತೆ ಮತ್ತೆ
ಹೆಮ್ಮೆಯಿಂದ ಉಚ್ಚರಿಸುತ್ತೇನೆ
"ಭಾರತ ಓ ನನ್ನ ಭಾರತ
ಅದೆಂತ ಸಂಬಂಧ ನನಗೂ ನಿನಗು
ಅದೆಂತು ಕರೆತಂದು ನಿಲ್ಲಿಸಿದಿ ಇಲ್ಲಿ
ನಾ ಕನಸಲ್ಲೂ ಕಂಡಿರದ ಜಾಗದಲಿ"

"ಭೂಮಿ ಚಲನೆಯಲ್ಲಿ ಇರುವುದರಿಂದ
ನೀ ತಟಸ್ಥವಾಗಿದ್ದರೂ ಚಲಿಸುತ್ತಿರುತ್ತೀಯೆ"
ಇದು ಸದ್ಯದ ಪರಿಸ್ಥಿತಿ
ಆನೆ ನಡೆದದ್ದೇ ದಾರಿ ಎಂದೆಣಿಸಿದರೂ,
ಎಲ್ಲೋ ಭಯವಾಗುತ್ತಿದೆ
ಪುಟ್ಟ ಹಕ್ಕಿಗಳ ಗೂಡುಗಳು ನಲುಗುತ್ತಿವೆಯೆ ಎಂದು
ಕಾಲ್ತುಳಿತಕ್ಕೆ ಮೊಲಗಳೇನಾದರೂ ಸಿಕ್ಕಿವೆಯೆ ಎಂದು
ನೀವೆನ್ನಬೊಹುದು "ದಾರಿ ಬೇಕಲ್ಲವಯ್ಯ ಎಂದು"
ಗುರುಗಳೆ ಎಳೆ ಕಣ್ಗಳು ನಂದು
ದೂರ ಚಿಂತಿಸಲು ಶಕ್ತವಾಗಿಲ್ಲದಂತಿದೆ
ನಾನೆನುತ್ತೇನೆ
"ಕರುಣಾಳು ಬಾ ಬೆಳಕೆ, ಮುಸುಕಿದೀ
ಮಬ್ಬಿನಲಿ ಕೈ ಹಿಡಿದು ನಡೆಸೆನ್ನನು
ಇರುಳು ಕತ್ತಲೆಯ ಗವಿ ಮನೆದೂರೆ
ಕನಿಕರಿಸಿ ಕೈ ಹಿಡಿದು ನಡೆಸೆನ್ನನು"

ಕಾಮೆಂಟ್‌ಗಳು

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

.....

ಅವಳಿಗೊಮ್ಮೆ ನನ್ನ ಹೆಣ್ಣಾಗಿ
ನೋಡಬೇಕೆಂದೆನಿಸಿ
ಸೀರೆಯುಡಿಸಿದಳು ನಾಜೂಕಾಗಿ
ಸೊಂಟ ಹೊಕ್ಕಳು ಕಾಣುವಂತೆ.

ಬಳೆ ತೊಡಿಸಿದಳು  ಅರ್ದ ಒಡೆದಿತ್ತು
ಮಾಂಗಲ್ಯ  ಬಂಗಾರದ ಸರದಲ್ಲಿ
ಬೀರುವಿನಲ್ಲಿದ್ದದ್ದನ್ನು
ಹಾಕಿದಳು
ಸರಿ ಹೊಂದಲಿಲ್ಲವೆಂದೂ ಹೇಳಿದಳು.

ಜೊತೆಯಾಗಿ ಕುಣಿಯುವ ಎಂದಳು
ಕುಣಿವಾಗ ಸೆರಗು ಜಾರಲಿಲ್ಲ
ಅವಳ ಕೈ  ದೇಹವನ್ನಪ್ಪಿತ್ತು
ಯಾಕೋ ಮತ್ತೆ ಗಂಡಾಗಬೇಕೆಂದಿನೆಸಿಲೇ ಇಲ್ಲ.

ಹಳೆಯ ಮೊಳೆ ಹಾಗೂ ಹೊಸ ಮದುವೆ : ಒಂದು ಉಪಮೆ

ಹಾಗಾಗಿ ಮೊಳೆಯೇ
ಇದು ನಿನ್ನದೇ ತಪ್ಪೆಂದು ತೀರ್ಪನ್ನಿರಿಸಿದ್ದಾರೆ

ಆಗಿದ್ದಿಷ್ಟು

ಹೆಣ್ಣನ್ನು ಮನೆ ತುಂಬಿಸಿಕೊಳ್ಳುವಾಗ
ಹೊಸಲ ಮೇಲೆ ಕಾಸನ್ನಿಟ್ಟು ಮೊಳೆ ಹೊಡಿಸುವುದು
ಸಂಪ್ರದಾಯ

ಹೆಣ್ಣು ಗಂಡು ಅದೆಷ್ಟೇ ಪ್ರಯತ್ನಿಸಿದರೂ
ಅಂದು ಮೊಳೆ ಹೊಡೆಯುವುದು ಕಷ್ಟವಿತ್ತು
ಸುತ್ತಿಗೆ ಸರಿಯಿರಲಿಲ್ಲ ಮೊಳೆ ಚೂಪಿರಲಿಲ್ಲ ಕಾಸು ಗಟ್ಟಿಯಿತ್ತು
ಹುಡುಗ ಹುಡುಗಿ ದಣಿದಿದ್ದರು
ಇತ್ಯಾದಿ ಇತ್ಯಾದಿ

ಬಲ ಬಿಟ್ಟು ಹೊಡೆದಾಗ
ಮೊಳೆ ಹೊಸಲಿಗೆ ತಾಗುತ್ತಲೆ
ಗಂಡಿನ ಬೆರಳಿಗೂ - ಹೆಣ್ಣಿನ ಬೆರಳಿಗೂ ತಾಗಿ
ಇಬ್ಬರ ರಕ್ತವನ್ನೂ ಬೆರೆಸಿ
ಹೊಸಲಿಗಿಳಿದಿತ್ತು

ಮಾರನೇ ದಿನದಿಂದ
ಹುಡುಗ  ಹುಡುಗಿ
ಎಲ್ಲರೂ
ರಕ್ತ ಬಳಿದ ಹೊಸಲನ್ನು ದಾಟುತ್ತಲೇ ಸಂ
ಸಾರ ಸಾಗಿಸುತ್ತಿದ್ದರು

ಮೊದಲಿಗೆ ಬೆರಳಿಗೆ ಗಾಯವಾದದ್ದು
ಹುಣ್ಣಾಗಿ
ಮೊದಲು ಬೆರಳು, ಆಮೇಲೆ ಕೈ, ನಂತರ ದೇಹ
ಹೀಗೆ ಪೂರ ಆವರಿಸಿ ಮುಗಿಸುವ ಹೊತ್ತಿಗೆ
ಇಬ್ಬರ ಆಯಸ್ಸೂ

ಈಗ ಹೇಳಿ
ಇದು ಮೊಳೆಯದೇ ತಪ್ಪಲ್ಲವೆ
ಹಾಗಾಗಿ
ಹೊಸಲನ್ನು ಬಿಟ್ಟು ನಾಣ್ಯವನ್ನು ಬಿಟ್ಟು
ಹೊಡೆದ ಸುತ್ತಿಗೆಯನ್ನೂ ಕೈಯನ್ನೂ ಬಿಟ್ಟು
ಮೊಳೆಯನ್ನೇ ಶಿಕ್ಷಿಸಬೇಕಾಗಿ ತೀರ್ಪಾಗಿದೆ.

ಭೌತಶಾಸ್ತ್ರದ ಪ್ರೀತಿಗಾಗಿ

ಇನ್ನೇನು ಆಗಲೇ ಕಾಲೇಜು, ಮುಖ್ಯವಾಗಿ ಪದವಿ ತರಗತಿಗಳು ಆರಂಭವಾಗಿರಬೇಕು ಅಥವಾ ಇಷ್ಟರಲ್ಲೇ ಆರಂಭವಾಗಬಹುದು. PUC ಎಂಬ ತ್ರಾಸಮಯ ಘಟ್ಟ ಮುಗಿಸಿ ಈಗ ಹೊಸದೊಂದು ಯಾನವನ್ನ ಆರಂಭಿಸಲು ಹೊರಡುವ ಸಮಯ. ಹಲವರು ಇಂಜಿನಿಯರಿಂಗ್ ಎಂದೋ ಮೆಡಿಕಲ್ ಎಂದೋ ಹೋಗಿರುತ್ತಾರೆ. ಕೆಲವರು ಮೂಲತಃ ಮೂಲ ವಿಜ್ಞಾನದಲ್ಲಿ ಆಸಕ್ತಿಯಿರುವವರು ಪದವಿಗೆ ಸೇರಿರುತ್ತಾರೆ. ಮತ್ತೆ ಕೆಲವರಿಗೆ ಮೂಲ ವಿಜ್ಞಾನದಲ್ಲಿ ಆಸಕ್ತಿಯಿದ್ದರೂ ಇಂಜಿನಿಯರಿಂಗ್ ಸೇರಿರುತ್ತಾರೆ. ಮೂಲ ವಿಜ್ಞಾನದಲ್ಲಿ ಆಸಕ್ತರಾಗಿ ಮುಂದೆ ಸಂಶೋಧಕರಾಗಬೇಕೆಂದು ಬಯಸುವವರಿಗೆ ನನ್ನ ಅನುಭವದಲ್ಲಿ ದಕ್ಕಿದ ಒಂದಿಷ್ಟು ಮಾಹಿತಿಗಳನ್ನ ಕೊಡಬೇಕೆಂದೆನಿಸಿ ಈ ಲೇಖನ ಬರೆಯುತ್ತಿದ್ದೀನಿ. ನನ್ನ ಕ್ಷೇತ್ರ ಸೈದ್ಧಾಂತಿಕ ಬೌತಶಾಸ್ತ್ರ., ಹಾಗಾಗಿ ಆ ಕ್ಷೇತ್ರದ ಬಗೆಗೆ ಮಾತ್ರ ದೀರ್ಘವಾಗಿ ಬರೆಯುತ್ತೀದ್ದೀನಿ. ನನ್ನ ಸ್ನೇಹಿತರ್ಯಾರಾದರೂ ಒಪ್ಪಿದರೆ ಉಳಿದ ಕ್ಷೇತ್ರಗಳ ಬಗೆಗೆ ಬರೆಸಲು ಪ್ರಯತ್ನಿಸುತ್ತೇನೆ.. ಅಷ್ಟೇ ಅಲ್ಲ ಮಾನವೀಯ ವಿಷಯಗಳ ಬಗೆಗೂ ಬರೆಸಬೇಕೆಂದಿದ್ದೇನೆ ಮುಂದಿನ ದಿನಗಳಲ್ಲಿ ಪ್ರಯತ್ನಿಸುತ್ತೇನೆ. ವಿಷಯಾಧಾರಿತ ಭಿನ್ನಾಭಿಪ್ರಾಯಗಳನ್ನು ಹೊರತುಪಡಿಸಿ ಉಳಿದ ಹಲವು ವಿಷಯಗಳನ್ನು ಸಮಾನವಾಗಿ ಸ್ವೀಕರಿಸಬಹುದು. ಇಲ್ಲಿನ ವಸ್ತುನಿಷ್ಠ ವಿಷಯಗಳನ್ನು ಹೊರತುಪಡಿಸಿ ಉಳಿದದ್ದು ನನ್ನ ಅನುಭವಕ್ಕೆ ಬಂದವುಗಳು, ಹಲವನ್ನು ನಾವುಗಳು ಅನುಸರಿಸಿದವುಗಳು. ಇವೇ "ಇದ ಮಿತ್ತಂ" ಎಂಬಂತಹ ಶಾಸನಗಳೇನೂ‌ ಅಲ್ಲ. ಎಲ್ಲರಿಗೂ…